Guðríður Hjördís Baldursdóttur vörustjóri mannauðslausna, Rósa Hrund Kristjánsdóttir frá Hvíta húsinu og Helena Jónsdóttir frá Mental ráðgjöf ræddu saman á léttu nótunum um hvernig regluleg samtöl á milli stjórnenda og starfsfólks styðja við vellíðan og starfsþróun starfsfólks.

Það er margt sem hefur áhrif á samskipti eins og breyttir vinnustaðir með aukinni fjarvinnu, innkoma nýrra kynslóða og áhersla á heilsu og vellíðan starfsfólks. Allt þetta hefur skapað nýjar áskoranir og tækifæri fyrir mannauðsfólk og stjórnendur.

Á fundinum var fjallað um geðheilsustefnu, hvað það gengur út á og afhverju það skiptir máli að vinnustaðir setji sér slíka stefnu. Rósa Hrund fór yfir hvaða áhrif þetta hefur haft á hennar vinnustað, Hvíta húsinu og hverju það hefur breytt að setja aukna áherslu á regluleg samtöl milli stjórnenda og starfsfólks.

Helena frá Mental ráðgjöf lagði áherslu á mikilvægi þess að starfsfólk og stjórnendur fái þjálfun í framkvæmd og umgjörð samtala og að vinnustaðir fræði starfsfólk um geðheilsu og hvenær þörf er á aðstoð fagaðila.

Advania hefur þróað lausn sem heldur utan um starfsmannasamtöl. Samtal er heildstæð lausn sem heldur utan um samtöl milli starfsfólks og stjórnenda. Það straumlínulagar ferilinn og veitir mannauðsfólki hagnýt sniðmát og mælaborð.