Fullkomnar gagnageymslur fyrir lítil og meðalstór fyrirtæki
Bjarki Guðmundsson
Söluráðgjafi - Innviðalausnir
Þegar kemur að geymslu gagna þurfa lítil og meðalstór fyrirtæki afkastamiklar, áreiðanlegar og hagkvæmar gagnageymslur, ekki endilega einingar með fullt af eiginleikum sem aldrei verða notaðir.
Það er þarna sem Dell PowerVault ME5 kemur sterkt inn, sem ódýr og hagkvæmur kostur, án þess að það bitni á hraða, og er á verðbili sem hentar flestum sem eru að leita sér að SAN og/eða DAS diskastæðum.
Eitt af því sem gerir ME5 að hagkvæmum kosti er að allar uppfærslur á hugbúnaði eru innifaldar á meðan vélbúnaður er undir ábyrgðarsamning hjá DELL, hægt er að framlengja slíkum samning í allt að 10 ár. Hugbúnaðarleyfi eru „frame Based“ og virka óháð seinni tíma stækkun stæðu. Grunn uppsetning stæðu tekur aðeins um 15 mínútur.
Sveigjanleikinn, að byrja með HDD diska og bæta svo við SSD seinna til að auka afköst er mjög jákvætt atriði í ME5. Notendaviðmótið er auðvelt að skilja og stilla, og stækkunarmöguleikar geta verið allt að 8PB. Þessi heildarpakki gerir ME5 að frábærum valkosti fyrir SMB eða fjölda annarra notkunartilvika þar sem þörf er á ódýrri, fullbúinni, áreiðanlegri geymslu.
Helstu eiginleikar
- ME5 styður Virtual Copy, Snapshots, Async Replication, 3way Tiering og READ cache
- ME Storage Manager hugbúnaður til umsýslunar
- VMware vCenter Plugin gerir stæðuna umsýslanlega úr vCenter
- SRM Storage Replication Adapters Plugin,
- Thin Provisioning
- VEEAM Ready Repository
- Styður Auto Tiering þar sem SSD og HDD er blandað saman í diskagrúppur
Tengimöguleikar:
- 10Gb iSCSI BaseT 8 port
- 25Gb iSCSI SFP+ 8 port
- 12Gb SAS 8 port
- 32Gb FC 8 port
- 1Gb BaseT 2 port (Management Port)
Þjónustusamningar sem henta
Dell EMC ProSupport NBD er fyrirframgreiddur þjónustusamningur sem innifelur aðgengi að varahlutum ásamt aðgengi að þjónustugáttum Dell EMC á vefnum, í gegnum spjall eða með hringingu í íslenskt símanúmer (800 8137). Eigendur hafa þannig beint aðgengi að alþjóðlegum sérfræðingum í viðkomandi vöru. Ef bilun á sér stað munu þar til vottaðir sérfræðingar Advania aðstoða þig í krafti þessa samnings þér að kostnaðarlausu á samningstímanum.
Heyrðu endilega í okkur og förum yfir hvað hentar þér og þínu fyrirtæki - við erum alltaf til í spjall og kaffibolla.