Ljósmynd/Baldur Kristjánsson

Fréttir - 13. nóvember 2026

Sigurður Gunnar er nýr framkvæmdastjóri hjá Advania

Sylvía Rut Sigfúsdóttir
samskiptastjóri Advania

Sigurður Gunnar Gissurarson hefur verið ráðinn framkvæmdastjóri Viðskiptalausna Advania.

Hann kemur til Advania frá Emblu Medical (áður Össur) þar sem hann hefur gegnt stjórnunarstörfum á sviði sölu, markaðsmála, vörustýringar og rekstrar, bæði á Íslandi og í Bandaríkjunum síðastliðin 20 ár.

Áður starfaði Sigurður hjá Tæknivali, fyrst sem viðskiptastjóri og síðar sem forstöðumaður tækniþjónustu. Þar leiddi hann teymi sem þjónustuðu fyrirtæki á sviði upplýsingatækni og fjarskipta. Sigurður er með BSc-gráðu í tæknifræði og meistaragráðu í alþjóðlegri stjórnun (M.Sc. BA) frá SydDansk Universitet.

„Viðskiptalausnir byggja á einstaklega öflugu og framsæknu teymi sem vinnur náið með okkar viðskiptavinum að lausnum sem henta þeirra viðskiptaumhverfi og þörfum. Við sjáum gríðarleg tækifæri fyrir íslensk fyrirtæki og stofnanir í þeirri framþróun sem er að eiga sér stað í nýtingu gervigreindar víðs vegar í rekstrinum og í lykilkerfum og það er því gleðilegt að fá Sigurð til liðs við okkur á þessum tíma. Hans mikla reynsla og sterka viðskiptalega sýn mun án efa styðja okkar viðskiptavini í að nýta þessi tækifæri til fulls,“ segir Hildur Einarsdóttir, forstjóri Advania á Íslandi.

Framkvæmdastjórn Advania skipa:

Auður Inga Einarsdóttir: Framkvæmdastjóri Innviðalausna

Erna Björk Sigurgeirsdóttir: Framkvæmdastjóri Fjármála, mannauðs & samskipta

Hafsteinn Guðmundsson: Framkvæmdastjóri Rekstrarlausna

Hildur Einarsdóttir: Forstjóri

Sigurður Gunnar Gissurarson: Framkvæmdastjóri Viðskiptalausna

Sigrún Ámundadóttir: Framkvæmdastjóri Hugbúnaðarlausna

Fleiri fréttir

Blogg
Sæktu innblástur á Haustráðstefnu Advania
21.08.2018
Við hjá Advania erum stolt af dagskrá Haustráðstefnunnar í ár og hlökkum til að taka á móti fólki í Hörpu 21.september. Við höfum lagt okkur fram við að setja saman spennandi prógram sem tekur á áhugaverðum áskorunum í stafrænum heimi. Fyrirlesararnir koma úr ólíkum áttum tæknigeirans. Sumir eltast við hættulegustu ógnir internetsins. Aðrir nýta gervigreind til að smíða útlimi fyrir fólk eða ofurtölvur í brautryðjandi læknisfræðirannsóknum. Við vonumst til að gestir okkar verði innblásnir og ögn klókari eftir daginn.
Blogg
Mannauðsstjórnun í stafrænum veruleika
12.06.2018
Í umhverfi þar sem fólk reiðir sig í síauknum mæli á stafrænar lausnir við hversdagslegustu athafnir er eðlilegt að líta til stafrænna lausna í mannauðsmálum.
Blogg
Jafnlaunavottun - Hvað þýðir það fyrir þitt fyrirtæki?
24.05.2018
Á næstu fjórum árum verður jafnlaunavottun innleidd í skrefum á íslenskum vinnumarkaði. Hvað er jafnlaunavottun? Hvað þurfa rekstraraðilar fyrirtækja að gera til að mæta kröfunni um að standast jafnlaunavottun? Og hvenær taka lög um jafnlaunavottun raunverulega gildi? Hér er farið yfir helstu atriði sem varða jafnlaunavottun eins og málin horfa við fyrirtækjunum sem eiga að standa að innleiðingu.
Blogg
Notaðu Microsoft til að búa þig undir GDPR
16.05.2018
Microsoft býður upp á leiðir til að vernda persónuupplýsingar og aðstoða við GDPR.
Blogg
Verkþættir sem stela tíma
15.05.2018
Sífellt fleiri stjórnendur í íslensku atvinnulífi átta sig á ávinningnum af því að leysa tímafrek og síendurtekin verkefni með sjálfvirkum leiðum. Mikil eftirspurn er eftir aðstoð við að sjálfvirknivæða reglulega ferla sem krefjast fyrirhafnar starfsfólks í viðskiptum- og þjónustu.
Blogg
Ofurtölvur sem bylta læknisfræði
29.01.2018
Ofurtölvur geta spáð fyrir um veður, líkt eftir eiginleikum líffæra mannslíkamans og mögulega leyst af hólmi tilraunir á dýrum. Ofurtölvurnar hafa sífellt meiri áhrif á daglegt líf okkar.
Blogg
Hvernig á að bregðast við öryggisgöllunum Meltdown og Spectre?
05.01.2018
Nýir öryggisveikleikar hafa áhrif á allan tölvubúnað sem framleiddur hefur verið frá 2011 og við höfum tekið saman það helsta um málið.
Blogg
Maðurinn sem breytti heiminum
31.08.2017
Um mitt síðasta ár störfuðu 30 manns við forsetaframboð Donalds Trump. Starfsmenn Hillary Clinton voru 800 talsins og forskot hennar á keppinautinn var mælt í tveggja stafa tölum. Ekkert virtist geta komið í veg fyrir sigur Hillary og heimurinn bjó sig undir söguleg kosningaúrslit.
Blogg
Er tölvukerfið þitt öruggt?
16.05.2017
Við höfum tekið saman stutt yfirlit yfir lausnir sem við bjóðum og hjálpa fyrirtækjum að tryggja öryggi tölvukerfi sín.
Blogg
Hvernig á að verjast ransomware-vírus
15.05.2017
Fyrirtæki víða um heim eru nú í viðbragðsstöðu vegna nýjustu útfærslu svokallaðra ransomware-vírusa sem kallast WannaCry. Þessi vírus virkar þannig að hann gerir gögn notanda óaðgengileg með því að framkvæma öfluga dulkóðun sem nær ómögulegt er að leysa.
Blogg
Gjafahugmyndir fyrir ferminguna
24.03.2017
Á þessum árstíma eru vafalaust einhverjir í leit að gjafahugmyndum fyrir fermingarnar sem framundan eru. Við hjá Advania lumum á ýmsum góðum hugmyndum á breiðu verðbili.
Blogg
Sjón er sögu ríkari: Dell XPS
24.11.2016
Það má með sanni segja að XPS 13 og XPS 15 fartölvurnar frá Dell séu hannaðar til að skara fram úr. Í tölvurnar notar Dell nýjustu tækni og bestu efni sem völ er á og útkoman er ein flottasta og besta fartölvan á markaðinum í dag.
Viltu vita meira?

Tölum saman

Viltu vita meira? Sendu okkur fyrirspurn.