ViðburðirHjálpVefverslun
Loka valmynd

Blogg - DD.10.YYYY

Hvað er þetta Oracle?

Fjárhags- og mannauðskerfi ríkisins byggir á Oracle E-Business Suite frá Oracle Corporation, sem er stærsta hugbúnaðarfyrirtæki veraldar þegar kemur að lausnum fyrir stórar og flóknar rekstrareiningar með dreifðan rekstur og miklar kröfur til upplýsingatækni.

Oracle fjárhags- og mannauðskerfi ríkisins hafa verið í kastljósi fjölmiðla undanfarna daga. Að gefnu tilefni hefur undirritaður sett saman nokkra punkta um þetta viðamikla kerfi, sem hefur um ellefu ára skeið þjónað tugþúsundum notenda.

Aðalatriðin í þessari samantekt eru eftirfarandi.

  • Oracle hefur um 115 þúsund sérfræðinga í vinnu við framþróun sinna lausna
  • Oracle fjárhags- og mannauðslausnir eru notaðar af 65 þúsund fyrirtækjum
  • Kerfið hefur verið innleitt hjá 213 stofnunum hér á landi og hefur 16 þúsund notendur
  • Oracle-innleiðingin er gríðarlega umfangsmikil og slík verkefni eru aldrei hnökralaus

Öflugur bakhjarl

Fjárhags- og mannauðskerfi ríkisins byggir á Oracle E-Business Suite frá Oracle Corporations, sem er stærsta hugbúnaðarfyrirtæki veraldar þegar kemur að lausnum fyrir stórar og flóknar rekstrareiningar með dreifðan rekstur og miklar kröfur til upplýsingatækni. Oracle Corp. er alþjóðlegt risafyrirtæki, sem veltir árlega um 4.600 milljörðum króna og starfslið fyrirtækisins telur um 115 þúsund manns. Fyrirtækið hefur reynst ómetanlegur og öflugur bakhjarl í þessu verkefni.

65 þúsund viðskiptavinir

Fjárhags- og mannauðskerfi Oracle eru í notkun hjá 65 þúsund fyrirtækjum og stofnunum á heimsvísu. Þar á meðal eru Alcoa, AT&T, Facebook, France Telecom, Fujitsu, Hyundai, LG Electronics, McDonald's, skoska ríkið, Toyota, Unisys og Virgin. Þessir aðilar velta tugþúsundum milljarða króna, starfsfólk þeirra er talið í milljónum og viðskiptavinir skipta hundruðum milljóna.

Kemur víða við sögu

Oracle kemur við sögu á flestum sviðum í starfsemi hins opinbera. Það inniheldur yfir 60 kerfishluta og 400 séraðlagaðar einingar.
Þrír stærstu hlutar kerfisins skiptast í fjárhag, mannauð og vörustýringu.

  • Fjárhagur; reikningar, afstemmingar, uppgjör, samþykktir, skjöl og verkefni
  • Mannauður; laun, ráðningarferli, fræðsla, vaktir og viðvera
  • Vörustýring; birgðir, framleiðsla, innkaup, sala, útboð, verslun og eignaumsjón

Framþróun Oracle á Íslandi

Ör framþróun kerfisins og uppfærslur á því þýða að kerfið sinnir víðtækara hlutverki í dag, en gert var ráð fyrir í upphafi. Slíkt er vel þekkt í umfangsmiklum upplýsingatækniverkefnum, nýir möguleikar hafa opnast og þarfir notenda breyst. Frá því að kerfið var tekið í notkun hafa verið þróaðar fjöldi svokallaðra sérlausna og mikil vinna verið lögð í framþróun kerfisins, í samræmi við óskir verkkaupa. Grunnkerfi Oracle E-Business Suite hefur farið í gegnum tvær umfangsmiklar uppfærslur sem fólu í sér nær algera endurnýjun á bæði innviðum þess og notendaviðmóti.

Margvíslegur ávinningur

Oracle-kerfið hefur skilað hinu opinbera margvíslegum ávinningi, enda einstakt að þjóðríki hafi heildaryfirsýn yfir fjárhag sinn og mannauð í einni samþættri lausn. Fjármálaráðuneytið sjálft hefur fullyrt að innleiðing á Oracle-kerfinu hafi stórlega bætt fjárhagsupplýsingar ríkisins til bæði stjórnunar og uppgjörs.

Náið samstarf

Ljóst er að í rekstri, þróun og þjónustu við upplýsingatæknikerfi, sem er jafn umfangsmikið og fjárhags- og mannauðskerfi ríkisins, munu ávallt koma upp frá einum tíma til annars einhver rekstrar- og öryggisfrávik. Sumt má rekja til grunnkerfisins sjálfs og annað til þeirra sem vinna við kerfið – bæði þjónustuaðila og notenda. Viðfangsefni sem lúta að þessu hafa alla tíð verið leyst jafnóðum, í nánu samstarfi viðskiptavinar, Advania og Oracle. Það er ekkert launungarmál að æskilegt er að sem fæst slík frávik og villur komi upp.

Sólarhringsvakt sérfræðinga

Sérstök sólarhringsvakt er á Oracle-kerfinu, allt árið um kring. Það þýðir að alltaf eru sérfræðingar á vakt, hvort heldur sem er frá Oracle eða Advania, sem taka á þeim rekstraratvikum sem upp koma. Alþjóðlegar gæða- og öryggisvottanir Advania samkvæmt ISO 9001 og ISO 27001 tryggja sömuleiðis að öll vinna kringum Oracle-kerfið er unnin af fagfólki í fremstu röð, sem nýtur stuðnings frá hinum 115 þúsund sérfræðingum sem Oracle hefur í vinnu.

Fleiri fréttir

Blogg
Ástæðulaust að hafa áhyggjur af lokun innskráningarþjónustu Ísland.is
11.06.2024
Tilkynnt hefur verið að eldri innskráningarþjónusta og umboðskerfi Ísland.is mun loka 1. september 2024. Í ljósi þessara breytinga þurfa margir aðilar að finna nýja innskráningaþjónustu. Signet login er lausn sem gæti komið í stað þeirrar innskráningarþjónustu.
Fréttir
Mikilvægt verkfæri fyrir stjórnendur og mannauðs--sérfræðinga
04.06.2024
„Regluleg samtöl eða innlit til starfsfólks skipta sköpum í því að stuðla að auknu trausti og opna á mikilvægar boðleiðir í samskiptum á milli stjórnenda og starfsfólks,“ segir Helena Jónsdóttir framkvæmdastjóri og stofnandi Mental ráðgjafar. Teymið á bak við mannauðslausnina okkar Samtal fékk Mental ráðgjöf með sér í lið til að útbúa sniðmát sem eiga að nýtast sem hagnýt verkfæri til aðstoðar stjórnendum og mannauðssérfræðingum okkar viðskiptavina.
Blogg
Frábær Dótadagur með Yealink
31.05.2024
Á dögunum vorum við svo heppin að fá til landsins sérfræðing frá höfuðstöðvum Yealink. Hann Lucian Liu er Senior Solution Architect hjá fyrirtækinu, og við höfum unnið mjög náið með undanfarin ár í tengslum við Yealink fjarfundabúnaðinn.
Fréttir
Frábær lausn þegar fyrirtæki þurfa tímabundna þekkingu til að klára verkefni
30.05.2024
„Liðsauki er þjónusta sem við bjóðum upp á og snýst í grófum dráttum um að fá auka hendur inn í verkefni sem eru í gangi hjá viðskiptavinum,“ segir Valeria Rivina Alexandersdóttir forstöðumaður hjá sérlausnasviði Advania.
Fréttir
Lausn sem styður við sjálfbærnivegferð okkar viðskiptavina
27.05.2024
Á Nýsköpunarvikunni 2024 kynnti Advania nýja lausn sem  hjálpar fyrirtækjum og stofnunum að ná utan um umhverfisþætti tengda sjálfbærniskýrslum og grænu bókhaldi. Lausnin hefur vinnuheitið Kolfinna.
Fréttir
Sjálfbærniskýrsla Advania fyrir árið 2023
23.05.2024
Advania Group hefur gefið út sjálfbærniskýrslu fyrir árið 2023. Skýrslan er yfirgripsmikil og nær yfir alla samstæðuna. Skýrslan lýsir sameiginlegri stefnu Advania um sjálfbærni og framgangi hjá hvernig hverju landi fyrir sig að ná markmiðum sínum.
Fréttir
Advania LIVE: Bein útsending frá Nýsköpunarviku
14.05.2024
Advania heldur úti hlaðvarpi í beinni útsendingu frá Nýsköpunarvikunni 2024, Iceland Innovation Week, í Kolaportinu miðvikudaginn 15. maí. Sýnt verður frá útsendingunni hér á vef Advania og á fréttavefnum Vísi frá 9:30 til 16:00.
Blogg
Gagnvirkir skjáir og upplýsingaskjáir
10.05.2024
Advania hefur um árabil verið ráðgefandi söluaðili á skjáum í öllum stærðum og gerðum hvort sem það er á skrifborðið, fundarherbergið eða í kennslustofuna.
Myndbönd, businesscentral.advania.is
Nýjungar í Business Central
23.04.2024
Fjölmennt var í höfuðstöðvum Advania í Guðrúnartúni á morgunverðarfundinum Nýjungar í Business Central. Einnig var sýnt var frá viðburðinum á starfsstöð okkar á Akureyri í gegnum streymi. Upptakan frá fundinum er nú aðgengileg hér á vefnum okkar.
Viðburðir
Copilot fyrir byrjendur - Vefnámskeið 6. maí
23.04.2024
Þann 6. maí næstkomandi heldur Advania námskeiðið Microsoft Copilot fyrir byrjendur. Um er að ræða fjarnámskeið og leiðbeinandi þess er Þóra Regína Þórarinsdóttir, sérfræðingur í gagnagreiningum. Námskeiðið spannar þrjár klukkustundir.
Blogg
Gervigreind og viðskiptatengsl (CRM) – Hvernig getur gervigreind aðstoðað þig að efla tengingu við viðskiptavini?
19.04.2024
Það hefur vart farið fram hjá neinum sú umfjöllun um gervigreind og áhrifin sem hún mun hafa á atvinnulíf og samfélag. Fjölmörg fyrirtæki keppast nú um að fá sem mest úr gervigreind með því að þróa nýjar tæknilausnir en einnig betrumbæta lausnir sem eru nú þegar til og víða notaðar. Þetta á ekki síst við viðskiptatengslakerfi eða CRM kerfi.
Fréttir
Zérfræðingar framtíðarinnar - er þinn vinnustaður tilbúinn?
18.04.2024
Áhugaverður morgunverðarfundur fór fram í höfuðstöðvum Advania og á starfstöðinni Akureyri þar sem rætt var um Z-kynslóðina á vinnumarkaði. Á fundinum Zérfræðingar framtíðarinnar - er þinn vinnustaður tilbúinn? var fjallað um þær áskoranir sem fylgja fyrir vinnustaði.
Viltu vita meira?

Tölum saman

Viltu vita meira? Sendu okkur fyrirspurn.